Kontakt

Westwall 21-23
58706
Menden
02373 903-1780
02373 903-101780

Marktplatz 3
58706
Menden
02373 903-1653

Oin Stadtpatrett

St.-Vincenz-Kiärke
St.-Vincenz-Kiärke

Oine mähr as 725jäöhrige Historië spaigelt sick boi der Stadt Mennen im unneren Hüönnedaal in oiner gesunnen Miskung iut Tradiziäon un Moderne, Geschichte un Fuortschriëtt, Vergangenhoit un Toitgoist. De Stadt heät an de 60.000 Inwuohners.

Schmittmann-Hius
Schmittmann-Hius

Mennen is gepräget düör dai historiske Oltstadt met deär St.-Vincenz-Kiärke un Fachweärkhuisern, dai met Laiwe instand hollen sind. Ümrahmet is dat Ganze van Gebuiden iut vergaohnen Epochen, biu iut Kaiser-Wilhelms-Toiën un deäm Jugendstil. Pässig tau deän ollen sind dai modernen Huiser.

Mennen is oine affwesslungsroike Stadt - un Giëgensätze trecket sick an - dat is bekannt.

Duibelstäuërn
Duibelstäuërn

Nit bläoß dat foine Iutsaihn van deär Stadt un iährer Ümgiëwung met viëll Waold, äuk dai Fröndlichkoit van deän Mennesken üöwertuiget dai Besaiker un niggen Metbüörger. Es giët viëlle Müöglichkoiten, üm sick te erhaalen odder Sport te droiwen. Säo giët et äuk viëllet, bat Kiärken, Kultiuër-, Fasselaowends- un Spuortveroine baiët. Olle Volksbruike, dai uëse Stadt lebennig un anmaidig maaket, wäärd lebennig hollen.

Teltdaak boim niggen Raothius
Teltdaak boim niggen Raothius

Tiëgen deäm viëllfölligen Kultiuër-Programm met Theater, Konzerten, Iutstellungen un Kloinkunst baiët Mennen taum Eärhaalen vam Alldagg äuk viëlle Gaststuowen, Cafès + Restaurants. Tahlroike Attrakziäonen maaket dat Froitoitsangebuot komplett.

Straoten-Fläohmarket füör Kinner
Straoten-Fläohmarket füör Kinner

Dai Stadtmidde heät oine woitloipige Fautgängerzone met viëllen Spezialhuisern. Dao heät me joide Menge Inkäupsmüöglichkoiten. Daonao kann me sick in deän viëllen Straoten-Cafès iutressen. Autos drüewet hoiër nit foihern.

Dat Gewerbeland in un üm Mennen herüm wäärd ümmer stärker nutzet. Et heät direkte Anbinnungen tau de Riuher-Regiäon. Dat stoiht füör deän guërren Naomen, deän Mennen boi Hannel un Geweärwe im Ümkrois heät.

Schaulbillung un Billung im Beraup kümmet iut deäm Grunne nit te kuort.

Ollet Raothius
Ollet Raothius

In Mennen giët et viëlle Grund- un Häuptschaulen, twoi Realschaulen, drai Gymnasiën un twoi Sonderschaulen. Dat Beraupskolleg vam Meärkisken Krois un dai Volks-Häogschaule Mennen-Hemer-Balve runnet dat ümfangroike Schaulangebuot aff. Säomet is äuk dai externe Woiterbilling siëcker gestallt.

Tahlroike Gäste iut deäm In- un Iutlanne hollt gräote Stücke ob dat viëllsoitige Menneske Angebuot. Se mennt, dant Mennen nit bläuß o i n e n  Besaik wäärt is.

 

Voi saihet uës in Mennen !!!

 

An dieser Stelle ein Dank an Bruno Wessel und Klaus Düser vom Plattdeutschen Arbeitskreis für die "Übersetzung" des Textes.